Home Молитвослов Молитвы на разные случаи жизни
Молитвы на разные случаи жизни
Узор


Перед чтением Евангелия



Возсияй в сердцах наших, Человеколюбче Господи, Твоего боговедения нетленный свет, и мысленная наша отверзи очи во евангельских Твоих проповеданий разумение, вложи в нас и блаженных Твоих заповедей страх, да плотския похоти вся поправше, духовное жительство пройдем, вся яже ко благоугождению Твоему и мудрствующе и деюще. Ты бо еси просвещение душ и телес наших, Христе Боже, и Тебе славу возсылаем, со Безначальным Твоим Отцем и Всесвятым, и Благим, и Животворящим Твоим Духом, ныне и присно, и во веки веков, аминь.



По чтении Евангелия



Слава Тебе, Господи Царю, Сыне Бога живаго, сподобивый мя недостойнаго Божественная Твоя словеса и глас Святаго Евангелия Твоего слышати; сим убо владычним Твоим гласом, укрепи мя в покаянии настоящия сея жизни прейти нощь, от всякаго избавляя мя навета и злобы видимых и невидимых враг: Ты бо еси един сильный, и царствуяй во веки. Аминь.



На благословение пищи мирянам



Господи Иисусе Христе, Боже наш, благослови нам пищу и питие, молитвами Пречистыя Твоея Матери и всех святых Твоих, яко благословен еси во веки. Аминь. (И осенить крестным знамением пищу и питие)



Молитва подающего милостыню



Господи! Научи меня подавать милостыню охотно, с лаской, с радостью, и верить, что, подавая ее, я не теряю, а приобретаю безконечно больше того, что подаю. Отврати очи мои от людей с жестоким сердцем, которые не сочувствуют бедным, равнодушно встречаются с нищетой, осуждают, укоряют, клеймят ее позорными именами и расслабляют мое сердце, чтобы не делать добра, чтобы ожесточить и меня против нищеты. О, Господи мой! Как много встречается таких людей! Господи, исправь дело милостыни! Господи, да идет всякая милостыня моя в пользу, а не во вред!



О прощении забытых грехов



Владыко Господи, поскольку и забыть свои прегрешения есть грех, то я во всем согрешил Тебе, Единому Сердцеведу; Ты и прости мне все по Твоему человеколюбию; темто и проявляется великолепие славы Твоей, когда Ты не воздаешь грешникам по делам их, ибо Ты препрославен во веки. Аминь.



Перед исповедью



Боже и Господи всех, всякаго дыхания и души имый власть, един исцелити мя могий! Услыши моление мя, окаяннаго, и гнездящагося во мне змия наитием Всесвятаго и Животворящего Духа умертвив потреби. И мене, нища и нага всякия добродетели суща, к ногам святаго моего отца (духовнаго) со слезами припасти сподоби, и святую его душу к милосердию, еже миловати мя, привлецы. И даждь, Господи, в сердце моем смирение и помыслы благи, подобающие грешнику, согласившемуся Тебе каятися; и да не в конец оставиши душу едину, сочетавшуюся Тебе и исповедавшую Тя, и вместо мира избравшую и предпочетшую Тя. Веси бо, Господи, яко хошу спастися, аще и лукавый мой обычай препятствием бывает: но возможна Тебе, Владыко, суть вся, елика невозможно суть от человека. Аминь.



Перед выходом из дома



Огради мя, Господи, силою Честнаго и Животворящего Твоего Креста и сохрани мя от всякаго зла. Господи, направи ко благу путь мой. Господи, благослови все мои вхождения и исхождения. (И осенить себя крестным знамением.)



Перед началом Богослужения



Господи Иисусе Христе, щедрый и милостивый всем истинно призывающим Тя, Тебе молюся: сподоби мя со тщанием, любовию, страхом и всяким вниманием, даже до конца Божественныя службы сея пребыти, и сокрушенным сердцем и чистою совестию молитися Тебе, Милосердному Богу. Ей, Господи Царю! Услыши мя, начинающа призывати Тя, и даруй ми оставление всех грехов моих: Ты бо Един благословен еси, со Отцем и со Святым Духом, во веки. Аминь.



По пути в Храм



Возвеселихся о рекших мне: в дом Господень пойдем. Аз же множеством милости Твоея, Господи, вниду в дом Твой, поклонюся ко храму святому Твоему в страсе Твоем. Господи, настави мя правдою Твоею, враг моих ради исправи пред Тобою путь мой; да без преткновения прославлю Едино Божество, Отца и Сына и Святаго Духа, ныне и присно и во веки веков. Аминь.



На принятие Просфоры Святой воды



Господи Боже мой, да будет дар Твой святый и святая Твоя вода во оставление грехов моих, в просвещение ума моего, в укрепление душевных и телесных сивл моих, во здравие души и тела моего, в покорение страстей и немощей моих, по безпредельному милосердию Твоему, молитвами Пречистыя Твоея Матери и всех святых Твоих. Аминь.



Молитва по соглашению



Господи Иисусе Христе, Сыне Божий, Ты рекл еси пречистыми усты Твоими: "Аминь глаголю вам, яко аще два от вас совещаета на земли о всяцей вещи, - еяже аще просита, будет има от Отца Моего, Иже на небесех: идеже бо еста два или трие собрани во имя Мое, ту есмь посреде их". Непреложны словеса Твоя, Господи, милосердие Твое безприкладно и человеколюбию Твоему несть конца. Сего ради молим Тя: даруй нам, рабам Твоим (имена), согласившимся просить Тя (содержание прошения), исполнение нашего прошения. Но обаче не якоже мы хотим, но якоже Ты. Да будет во веки воля Твоя. Аминь.



Молитва на вхождение в новый дом



Боже Спасителю наш, изволивый под сень Закхееву внити и спасение тому и всему дому того бывый, Сам и ныне зде жити восхотевшия и мольбы Тебе и моления приносящия от всякаго вреда соблюди невредимы, благословляя тех зде жилище, и ненаветен тех живот сохраняя. Аминь.



Узор

Молитвы на разные случаи жизни



 

Цитата из Библии

Отвергнув ложь, говорите истину каждый ближнему своему, потому что вы члены друг другу. (Еф. 4:25)

Поиск по сайту

Основы Православия

Поделись с друзьями:

Понравилось?

Помочь интернет-деньгами

Наша кнопка

88x31 Код
Истина Православия

Православный опрос

Сколько раз в день вы молитесь?

Православные праздники

Благословляй, душа моя, Господа! Господи Боже мой, возвеличен Ты весьма. (Псалом 103)